#ការហាមនាំចេញស្រូវសាលី

ស្របពេលដែលនិន្នាការនៃស្បៀងអាហារពិភពលោកកំពុងរងការគំរាមកំហែង នឹងប៉ះទង្គិចពីសង្គ្រាមនៅក្នុងប្រទេសអ៊ុយក្រែន ហើយដែលបានបង្កឲ្យមានការឡើងថ្លៃគ្រប់ទិសទីនោះ ឃើញថា ប្រទេសឥណ្ឌាកាលពីចុងសប្តាហ៍មុន បានធ្វើការប្រកាសដ៏ភ្ញាក់ផ្អើលមួយថា ខ្លួននឹងបិទការនាំចេញស្រូវសាលីភ្លាមៗចាប់ពីពេលនេះតទៅ។ ការសម្រេចបិទការនាំចេញស្រូវសាលី របស់រដ្ឋាភិបាលក្រុងញូដេលី នឹងក្លាយជាបន្ទុកមួយទៀត ដល់វិបត្តិចំណីអាហារពិភពលោក ដែលកំពុងតែរង្គោះរង្គើស្រាប់នោះ ឲ្យធ្លាក់ដុនដាបជាងមុនថែមទៀត។