#ការជួយសម្រាលបន្ទុកប្រទេសកូនបំណុលលើពិភពលោក

នាប៉ុន្មានសប្ដាហ៍ខាងមុខ តួអង្គទាំងឡាយដែលពាក់ព័ន្ធនឹងបញ្ហាបំណុលជាតិរបស់ប្រទេសនានានៅក្នុងពិភពលោក និងមកប្រជុំគ្នាជាបន្តបន្ទាប់ ដើម្បីរកវិធីពន្លឿនដំណើរការរៀបចំលក្ខខណ្ឌបំណុលឡើងវិញ សំដៅជួយសម្រាលបន្ទុករបស់ប្រទេសកូនបំណុល ដែលកំពុងជួបការលំបាកខ្លាំង។ កាលពីថ្ងៃព្រហស្បតិ៍ មូលនិធិរូបិយវត្ថុអន្តរជាតិ (IMF) បានបង្ហាញក្ដីរំពឹងថា កិច្ចប្រជុំទាំងនោះនឹងសម្រេចបានផ្លែផ្កាជាក់ស្ដែង ប៉ុន្តែស្ថាប័ននេះ ក៏បានទទួលស្គាល់ថា វាអាចត្រូវការពេលវេលាយូរណាស់។