#ការកាត់បន្ថយបុគ្គលិកជាង ១ម៉ឺននាក់

ក្រុមហ៊ុនយក្ស Meta ដែលជាក្រុមហ៊ុនមេរបស់ហ្វេសប៊ុក បានប្រកាសនៅថ្ងៃទី៩ ខែវិច្ឆិកា ឆ្នាំ២០២២ថា ខ្លួននឹងកាត់បន្ថយការងារបុគ្គលិកជាង១ម៉ឺនកន្លែង ឬប្រហែល ១៣% នៃកម្លាំងពលកម្មរបស់ក្រុមហ៊ុន។ ការកាត់បន្ថយការងារដ៏សម្បើមនេះ គឺធ្វើឡើងនៅក្រោយពេលដែលប្រាក់ចំណូលរបស់ក្រុមហ៊ុន Meta បានធ្លាក់ចុះយ៉ាងគំហុក ជាពិសេសគឺបន្ទាប់ពីការចំណាយលុយយ៉ាងក្រាស់ក្រែលទៅក្នុងគម្រោង Metaverse ។ នេះបើតាមការចុះផ្សាយរបស់សារព័ត៌មាន Reuters។