ការនាំចេញអង្ករកម្ពុជាទៅអឺរ៉ុបស្ទុះកើន៤៨% នៅ៥ខែឆ្នាំនេះ ខណៈចិននៅតែបន្ដក្តោបក្ដាប់ចំណែកទីផ្សារអង្ករធំជាងគេ
ដោយ
ក្រោយទទួលបានការអនុគ្រោះពន្ធពីសភាពាណិជ្ជកម្មសហភាពអឺរ៉ុបលើការនាំចេញអង្ករគ្រប់ប្រភេទឡើងវិញ ការនាំចេញអង្កររបស់កម្ពុជាទៅកាន់ទីផ្សារអឺរ៉ុបមានការកើនឡើងគួរឲ្យកត់សម្គាល់នៅប៉ុន្មានខែមកនេះ។ ជាក់ស្តែង នៅ៥ខែឆ្នាំ២០២២ កម្ពុជាសម្រេចបានការនាំចេញអង្ករទៅកាន់ទីផ្សារអឺរ៉ុបជាង៨ម៉ឺនតោន កើនឡើង៤៨% បើធៀបនឹងរយៈពេលដូចគ្នាកាលពីឆ្នាំមុន។ នេះបើតាមការអះអាងរបស់មន្ត្រីជាន់ខ្ពស់សហព័ន្ធស្រូវអង្ករកម្ពុជា។