#ការនាំចេញស្រូវនៅកម្ពុជា​កើនឡើង

ការនាំចេញស្រូវរបស់កម្ពុជាទៅកាន់ប្រទេសវៀតណាម និងថៃ មានការកើនឡើងជាង ១០០% ក្នុងរយៈពេល៣ខែដើមឆ្នាំ២០២១ នេះ ខណៈដែលការនាំចេញអង្កររបស់កម្ពុជាទៅកាន់ទីផ្សារអន្តរជាតិវិញបែរជាមានការដាំក្បាលចុះដល់ទៅជាង ៣០%។ ជុំវិញនឹងនាំចេញស្រូវកើនឡើងដ៏គំហុកនេះដែរ រដ្ឋមន្ត្រីក្រសួងកសិកម្មកម្ពុជាបានអះអាងប្រាប់ខេមបូណូមីសតាមប្រព័ន្ធតេឡេក្រាមថា មូលហេតុចម្បង គឺដោយសារតែការបញ្ជាទិញស្រូវក្នុងស្រុកមានការធ្លាក់ចុះ គួបផ្សំនឹងទិន្នផលស្រូវឆ្នាំនេះកើនឡើងច្រើន។