#ការងារ ឬអាជីវកម្ម តើគួរជ្រើសរើសមួយណា?

អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាល នៃក្រុមហ៊ុនវើលដ៍ប៊្រីដគ្រុប ដែលជាអ្នកជំនួញដ៏ល្បីល្បាញមួយរូបនៅកម្ពុជាយល់ឃើញថា យុវជន ដែលគ្មានមុខជំនួញក្នុងដៃ គួរធ្វើការឲ្យគេយកបទពិសោធន៍សិន មុនឈានទៅបើកអាជីវកម្មដោយខ្លួនឯង ព្រោះការហក់ចូលក្នុងមុខជំនួញលឿនពេក អាចធ្វើឲ្យយុវជនរងនូវហានិភ័យខ្ពស់នៃភាពបរាជ័យ។ ទោះយ៉ាងណា អ្នកឧកញ៉ា មិនលើកទឹកចិត្តឲ្យមនុស្សគ្រប់រូបធ្វើការឲ្យគេយូរឆ្នាំពេកនោះទេ ដ្បិតវាអាចធ្វើឲ្យបាត់បង់ឱកាសនៃការប្រកបអាជីវកម្ម និងការរីកចម្រើននៃសេដ្ឋកិច្ចគ្រួសាររបស់ពួកគេ។