#ការផលិតឱសថនៅកម្ពុជា

អ្នកផលិតឱសថនៅកម្ពុជាបានឲ្យដឹងថា ឧស្សាហកម្មផលិតឱសថនៅក្នុងស្រុកចាប់ផ្តើមទទួលរងផលអវិជ្ជមាន ពីការរីករាលដាលនៃមេរោគកូវីដ១៩ជាបណ្តើរៗហើយ។ ឧស្សាហកម្មផលិតឱសថកម្ពុជាអាចនិយាយបានថា វាជាឱកាស លាយឡំជាមួយនិងវិបត្តិ។ វិបត្តិដោយសារ តែកង្វះខាតវត្ថុធាតុដើមផលិត បម្រើឲ្យវិស័យផលិតឱសថក្នុងស្រុក។ បើសិនជាឥទ្ធិពលជំងឺ កូវីដ ១៩ នៅតែអូសបន្លាយយូរតទៀតនោះ វត្ថុធាតុដើមដែលផ្គត់ផ្គង់ក្នុងវិស័យផលិត អាច ធានារ៉ាប់រងនូវការផលិតរហូតត្រឹម២ខែទៀតប៉ុណ្ណោះ។