#ការស៊ើបអង្កេតលើប្រភពដែលទម្លាយឯកសារសម្ងាត់

ឯកសារយោធានិងចារកម្មសម្ងាត់បំផុតរបស់ក្រសួងការពារជាតិសហរដ្ឋអាមេរិក បានលេចធ្លាយតាមរយៈអ៊ីនធឺណិត ដោយមិនទាន់ដឹងពីប្រភពនៃការចែកចាយនៅឡើយ។ មន្ត្រីអាមេរិកកំពុងព្យាយាមស្វែងរកប្រភពនៃការលេចធ្លាយនេះ ស្របពេលដែលអ្នកជំនាញសន្តិសុខលោកខាងលិចមួយចំនួនសង្ស័យថាអាចជានរណាម្នាក់ជាជនជាតិអាមេរិក ខណៈមន្ត្រីចារកម្មជាន់ខ្ពស់របស់អាមេរិកលើកឡើងថាគឺជាស្នាដៃរបស់រុស្ស៊ី។ នេះបើតាមការផ្សាយរបស់ទីភ្នាក់ងារសារព័ត៌មាន Reuters និងបណ្ដាញសារព័ត៌មាន BBC។