#ខេត្តកំពង់ស្ពឺមានសក្ដានុពលវិនិយោគ

ចំពេលដែលរោងចក្រកាត់ដេរជាច្រើនកំពុងមានការកាត់បន្ថយការងារកម្មករកម្មការិនី ខេត្តកំពង់ស្ពឺឯណោះវិញ បែរជាមានការខ្វះកម្លាំងពលកម្មរាប់ពាន់នាក់ទៅវិញ។ អ្នកជំនាញអះអាងថា កត្តានាំឲ្យមានការខ្វះខាតកម្លាំងពលកម្មនៅក្នុងខេត្តកំពង់ស្ពឺ ដោយសារតែរោងចក្រនៅក្នុងខេត្តនេះមានចំនួនច្រើន។ មួយវិញទៀត កម្មករកម្មការិនីមួយចំនួន ហាក់មិនសូវចង់ទៅធ្វើការងារនៅទីនោះឡើយ បើធៀបនឹងរាជធានីភ្នំពេញ ដោយសារតែទីតាំងរោងចក្រខ្លះ ស្ថិតនៅឆ្ងាយពីទីប្រជុំជន។