#កិច្ចព្រមព្រៀង​វិនិយោគ

ចិនត្រូវបានគេមើលឃើញថា កំពុងងាកទៅពង្រឹងទំនាក់ទំនងជិតស្និទ្ធជាមួយអាល្លឺម៉ង់ ខណៈមេដឹកនាំប្រទេសនេះ ទើបតែបានជជែកគ្នាអំពីផែនការកិច្ចសហប្រតិបត្តិការជាមួយគ្នាកាន់តែស៊ីជម្រៅ។ តាមរយៈការជជែកគ្នាតាមទូរស័ព្ទជាលើកដំបូងរវាងមេដឹកនាំចិន និង អាល្លឺម៉ង់ នាពេលថ្មីៗនេះ ខាងភាគីចិនបានអះអាងថា ចិននិងអាល្លឺម៉ង់គួរតែបន្តទាក់ទងគ្នាក្នុងនាមជាដៃគូរយុទ្ធសាស្ត្រ ហើយគួរតែពង្រីកកិច្ចសហការជាមួយគ្នាបន្ថែមទៀត លើវិស័យថ្មីៗដូចជា វិស័យថាមពលបៃតង និងសេដ្ឋកិច្ចឌីជីថលជាដើម។ នេះបើតាមសារព័ត៌មាន South China Morning Post។