#កិច្ចប្រជុំកំពូលអាស៊ាន

សេតវិមានអាម៉េរិក កំពុងរៀបចំលក្ខខណ្ឌ ដើម្បីឱ្យលោកដូណាល់ ត្រាំ ប្រធានាធិបតី អាម៉េរិក អាចចូលរួម កិច្ចប្រជុំកំពូលអាស៊ាន ដែលនឹងត្រូវធ្វើឡើងនៅក្នុងប្រទេសម៉ាឡេស៊ី នៅថ្ងៃទី ២៦ដល់២៨ ខែតុលានេះ។ ជាមួយគ្នានោះ រាជរដ្ឋាភិបាលម៉ាឡេស៊ី ក៏នឹងពិចារណា សម្រាប់ការយល់ព្រមឱ្យលោកដូណាល់ត្រាំ ធ្វើជាអធិបតីពិធីចុះហត្ថលេខាលើកិច្ចព្រមព្រៀងសន្ដិភាពរវាងកម្ពុជា និងថៃ នៅក្រៅកិច្ចប្រជុំកំពូលអាស៊ានផងដែរ។ នេះបើយោងតាមប្រភពព័ត៌មានច្បាស់ការចំនួន ៣នាក់ ដែលស្នើសុំលាក់អត្តសញ្ញាណ បានប្រាប់កាសែតអាម៉េរិក Politico កាលពីថ្ងៃទី ៦ ខែតុលានេះ។