#កម្ចីអភិវឌ្ឍន៍របស់ចិន

ការផ្តល់កម្ចីអភិវឌ្ឍន៍តាមរយៈធនាគារគោលនយោបាយពាណិជ្ជកម្មសំខាន់ៗចំនួនពីររបស់ចិន បានធ្លាក់ចុះដល់កម្រិតទាបក្នុងរយៈពេល១៣ឆ្នាំចុងក្រោយ ពោលគឺធ្លាក់មកមានចំនួនត្រឹមតែ ៣,៧ពាន់លានដុល្លារប៉ុណ្ណោះក្នុងឆ្នាំ២០២១។ ការធ្លាក់ចុះនេះគឺដោយសារតែទីក្រុងប៉េកាំង បានកាត់បន្ថយមូលនិធិសម្រាប់គម្រោងប្រេងធំៗ និងក្នុងពេលដែលមហាយក្សចិនបានពើបប្រទះនឹងការរាតត្បាតជំងឺកូវីដ១៩ជាដើម។ នេះបើតាមការសិក្សាមួយដោយមជ្ឈមណ្ឌលគោលនយោបាយអភិវឌ្ឍសាកល នៃសាកលវិទ្យាល័យប៊ូស្តុន។