#កំណើនទេសចរណ៍ផ្ទៃក្នុង

បន្ទាប់ពីរាជរដ្ឋាភិបាលកម្ពុជា សម្រេចកំណត់ ខេត្តព្រះសីហនុ និងខេត្តកោះកុង ជាគោលដៅដំបូងនៃការសាកល្បងបើកទទួលទេសចរវ៉ាក់សាំងនៅចុង ខែវិច្ឆិកា គេសង្កេតឃើញថា សម្ទុះនៃចរន្ដទេសចរណ៍ផ្ទៃក្នុង ចាប់ផ្ដើមកម្រើកឡើងវិញជាបណ្ដើរៗហើយ។ យ៉ាងណាមិញ ថ្មីៗនេះ ខេត្តខេត្តព្រះសីហនុ ចាប់ផ្ដើមឈរលើកំពូលតារាងឡើងវិញ ដែលមានចំនួនភ្ញៀវទេសចរទៅកម្សាន្ដច្រើនជាងគេ។ ជាក់ស្ដែង នៅថ្ងៃឈប់សម្រាកចុងសប្ដាហ៍២ថ្ងៃមុននេះ ខេត្តព្រះសីហនុ មានភ្ញៀវទេសចរទៅកម្សាន្តមានជាង៣ម៉ឺន៧ពាន់នាក់។