#កំណើនសេដ្ឋកិច្ចថៃឆ្នាំ២០២២

ធនាគារកណ្ដាលថៃ បានកែប្រែការព្យាកររបស់ខ្លួនចំពោះកំណើនសេដ្ឋកិច្ចថៃនៅឆ្នាំ២០២២ ដោយបានបន្ទាបការព្យាករទាបជាងមុន នៅក្រោយពេលដែលរាជរដ្ឋាភិបាលប្រទេសនេះ បានសម្រេចផ្អាកការទទួលអ្នកដំណើរអន្តរជាតិដោយមិនចាំបាច់ធ្វើចត្តាឡីស័ក។ បើតាមធនាគារកណ្ដាលថៃ នៅឆ្នាំ២០២២ សេដ្ឋកិច្ចរបស់ប្រទេសនេះ នឹងមានកំណើនត្រឹមតែ ៣,៤%ប៉ុណ្ណោះ ខណៈដែលកាលពីមុនធ្លាប់ព្យាករថា នឹងមានដល់ទៅ៣,៩%។ នេះបើតាមសេចក្ដីរាយការណ៍មួយ ដោយសារព័ត៌មានជប៉ុន Nikkei។