#ក្របខ័ណ្ឌសេដ្ឋកិច្ចឥណ្ឌូប៉ាស៊ីហ្វិក

អ្នកតំណាងពាណិជ្ជកម្មអាមេរិកលោកស្រី Katherine Tai បាននិយាយក្នុងដំណើរទស្សនកិច្ចទៅកាន់ប្រទេសវៀតណាមថា ក្របខណ្ឌឥណ្ឌូប៉ាស៊ីហ្វិក IPEF ដែលដឹកនាំដោយសហរដ្ឋអាមេរិក នឹងផ្តល់អត្ថប្រយោជន៍ជាក់ស្តែងសម្រាប់ការធ្វើធុរកិច្ច នៅពេលដែលអវត្តមានប្រទេសចិន។ លោកស្រីបន្ថែមថា ប្រវត្តិសាស្ត្រក្រោយសង្រ្គាមរវាងទីក្រុងវ៉ាស៊ីនតោន និងទីក្រុងហាណូយ គឺជាឧទាហរណ៍បង្ហាញពីវិធីដែលបញ្ហាសេដ្ឋកិច្ច និងភូមិសាស្ត្រនយោបាយនាពេលបច្ចុប្បន្ននេះគួរត្រូវបានដោះស្រាយ។ នេះបើយោងតាមការចុះផ្សាយរបស់សារព័ត៌មានជប៉ុន NIKKEI។