#ក្រសួងរតនាគារអាមេរិក

មន្ត្រីក្រសួងហិរញ្ញវត្ថុរបស់អាមេរិកបានព្រមានធនាគារមួយចំនួននៅទីក្រុងហុងកុងជុំវិញការនាំចេញបច្ចេកវិទ្យាទៅកាន់ប្រទេសរុស្ស៊ី។ ចំណាត់ការនេះបានកើតឡើងមិនយូរប៉ុន្មានមុនពេលរដ្ឋមន្ត្រីក្រសួងរតនាគារអាមេរិក លោកស្រី ជេណេត យេឡិន មកបំពេញទស្សនកិច្ចនៅក្នុងទីក្រុងប៉េកាំងនៅថ្ងៃសុក្រនេះ ដោយលោកស្រីគ្រោងនឹងពិភាក្សាពីភាពតានតឹងរវាងអាមេរិកនិងចិន ការព្រួយបារម្ភរបស់ធុរកិច្ចអាមេរិក និងទស្សនវិស័យសេដ្ឋកិច្ចពិភពលោក។ នេះបើតាមការចេញផ្សាយរបស់ទីភ្នាក់ងារសារព័ត៌មានរើយធើ និងសារព័ត៌មាននីកេអេស៊ា។