#: ក្រុមហ៊ុន Grab របស់សិង្ហបុរី កាត់បន្ថយបុគ្គលិក

នាយកប្រតិបត្តិនៃក្រុមហ៊ុនហ្គ្រែប (Grab) ដែលមានមូលដ្ឋាននៅប្រទេសសិង្ហបុរី និងដែលផ្ដល់សេវាកម្មដឹកជញ្ជូនអាហារនិងការធ្វើដំណើរតាមកម្មវិធីទូរស័ព្ទដ៏ឈានមុខគេនៅតំបន់អាស៊ីអាគ្នេយ៍នោះ កំពុងកាត់បន្ថយការងារ ១ ពាន់នាក់ស្មើនឹង ១១% នៃកម្លាំងការងាររបស់ខ្លួន។ ការសម្រេចនេះ គឺដោយសារមានតម្រូវការគ្រប់គ្រងចំណាយ ដើម្បីធានាបាននូវសេវាកម្មមានតម្លៃសមរម្យជាងមុនក្នុងរយៈពេលវែង។ នេះបើតាមការចេញផ្សាយរបស់សារព័ត៌មានរ៉យទ័រ។