#ក្រុមហ៊ុនចិន BYD ចង់វ៉ាផ្ដាច់ក្រុមហ៊ុន Tesla នៅឆ្នាំនេះ

ក្រុមហ៊ុនផលិតរថយន្តរបស់ចិន BYD កំពុងកំណត់គោលដៅរបស់ខ្លួន ដើម្បីវ៉ាផ្ដាច់គូប្រជែងរបស់ខ្លួនគឺក្រុមហ៊ុន Tesla របស់អាមេរិក ក្នុងការលក់រថយន្តអគ្គិសនីនៅទូទាំងពិភពលោក ដោយក្រុមហ៊ុនចិនមួយនេះ នឹងបង្កើនសមត្ថភាពរបស់ខ្លួន ដើម្បីជំរុញបរិមាណលក់សរុបឱ្យបានកើនឡើងទ្វេដង គឺឈានដល់ជាង ៣ លាន៦សែនគ្រឿង សម្រាប់រថយន្តគ្រប់ប្រភេទនៅឆ្នាំនេះ។ នេះបើតាមការចេញផ្សាយរបស់សារព័ត៌មាននីគីអេស៊ា។