ព្រលានយន្តហោះតារាសាគរខេត្តកោះកុងគ្រោងបញ្ចប់ការសាងសង់នៅខែតុលា
ដោយ
ទោះបីការរាតត្បាត នៃជំងឺកូវីដ-១៩ បានបង្កឲ្យមានបញ្ហារាំងស្ទះមួយចំនួនក៏ដោយ ប៉ុន្តែវាមិនបានបន្ទច់បង្អាក់បង្កការរាំងស្ទះធ្ងន់ធ្ងរដល់ដំណើរការសាងសង់ព្រលានយន្តហោះអន្តរជាតិនៅតារាសាគរក្នុងខេត្តកោះកុងនោះទេ។ បើតាមមន្ត្រីជាន់ខ្ពស់នៃរដ្ឋលេខាធិការដ្ឋានអាកាសចរណ៍ស៊ីវិល ព្រលានយន្តហោះ ដែលមានតម្លៃជាង ៣រយលានដុល្លារអាមេរិកមួយនេះ គ្រោងនឹងបញ្ចប់ការសាងសង់ជាស្ថាពរនៅអំឡុងខែតុលាខាងមុខនេះ ខណៈបច្ចុប្បន្នការសាងសង់សម្រេចបានជាង៩០% ហើយ។ តាមគម្រោងព្រលានយន្តហោះលំដាប់អន្តរជាតិមួយនេះ គ្រោងនឹងបើកការហោះហើរសាកល្បងនៅចុងឆ្នាំនេះ។