LG វិនិយោគជាង ៣ពាន់លានដុល្លារ សង់រោងចក្រវត្ថុធាតុដើមសម្រាប់ផលិតអាគុយរថយន្តអគ្គិសនីនៅអាមេរិក
ដោយ
ក្រុមហ៊ុនកូរ៉េ LG Chem ដែលជាផ្នែកមួយរបស់ក្រុមហ៊ុន LG Group បានប្រកាសនៅថ្ងៃទី២២ ខែវិច្ឆិកា ឆ្នាំ២០២២ថា ខ្លួននឹងវិនិយោគទឹកប្រាក់ ៣ពាន់២រយលានដុល្លារ ដើម្បីសាងសង់រោងចក្រផលិតវត្ថុធាតុដើមសម្រាប់អាគុយរថយន្តអគ្គិសនី នៅសហរដ្ឋអាមេរិក ខណៈរដ្ឋបាលលោក ចូ បៃឌិន បានខ្នះខ្នែងពង្រឹងវិស័យយានយន្តអគ្គិសនីជាមួយនឹងការលើកទឹកចិត្តដោយបន្ធូរបន្ថយពន្ធសម្រាប់អ្នកប្រើប្រាស់ និងកាត់បន្ថយការពឹងផ្អែកលើអាគុយប្រទេសចិន។ នេះបើតាមការចុះផ្សាយរបស់សារព័ត៌មាន Nikkei។