#ក្រុមហ៊ុនអាកាសចរណ៍សិង្ហបុរី

ក្រោយពេលដែល រដ្ឋាភិបាលសិង្ហបុរី ចេញវិធានការរឹតបន្តឹងលើ ការធ្វើដំណើរឆ្លងកាត់ប្រទេសសិង្ហបុរី រួចមក ក្រុមហ៊ុនអាកាសចរណ៍សិង្ហបុរី បានសម្រេចកាត់បន្ថយសមត្ថភាពជើងហោះ ហើរជាង ៩៦% រហូតដល់ដំណាច់ខែមេសា ខាងមុខ ដែលធ្វើឲ្យក្រុមហ៊ុនប្រឈមមុខនឹង បញ្ហាហិរញ្ញវត្ថុខាងខ្លាំង។ យ៉ាងណាមិញ ក្រុមហ៊ុនបានសម្រេចលក់មូលបត្រកម្មសិទ្ធិ និងមូលបត្របំណុល ដែលសរុបជាទឹកប្រាក់ប្រមាណ ១០ពាន់លានដុល្លារអាមេរិក ដើម្បីជាការស្រោចស្រង់ដល់ ស្ថានការណ៍ដ៏លំបាក នៅពេលនេះ។ នេះបើយោងតាមការចេញផ្សាយរបស់ សារព័ត៌មាន Channel News Asia។