ក្រុមហ៊ុនផលិតឧបករណ៍អេឡិចត្រូនិចតៃវ៉ាន់រើផលិតកម្មចេញពីចិនឆ្ពោះទៅប្រទេសវៀតណាមកាន់តែច្រើន
ដោយ
បណ្ដុំក្រុមហ៊ុនផលិតគ្រឿងអេឡិចត្រូនិករបស់តៃវ៉ាន់កំពុងតែកើនឡើងទាំងនៅក្នុង និងនៅជុំវិញរដ្ឋធានីហាណូយរបស់ប្រទេសវៀតណាម។ ក្នុងប៉ុន្មានខែថ្មីៗនេះ ក្រុមហ៊ុនផលិតមានកិច្ចសន្យារបស់តៃវ៉ាន់ធំៗមួយចំនួនបានចុះកិច្ចព្រមព្រៀង ដើម្បីសាងសង់ ឬពង្រីករោងចក្ររបស់ពួកគេនៅភាគខាងជើងប្រទេសវៀតណាម ដែលត្រូវបានកំណត់ថាជាមជ្ឈមណ្ឌលផលិតកម្មថ្មីសម្រាប់ផលិតផលប្រើប្រាស់ទូទៅដូចជា អាយផែត (iPads) និង អ៊ែរផត់ (AirPods) របស់ក្រុមហ៊ុន អែពភល (Apple) ជាដើម។