#កូរ៉េខាងជើង - កូរ៉េខាងត្បូង

យោធារបស់កូរ៉េខាងត្បូងបានឱ្យដឹងកាលពីថ្ងៃព្រហស្បតិ៍ទី៥មករាថា យន្តហោះគ្មានមនុស្សបើក ឬដែលគេហៅថាដ្រូន របស់កូរ៉េខាងជើងបានហោះចូលទៅក្នុងតំបន់ហាមឃាត់មួយ ប៉ុន្តែក្នុងរយៈពេលខ្លី ដែលស្ថិតនៅជុំវិញការិយាល័យប្រធានាធិបតីកូរ៉េខាងត្បូង។ សកម្មភាពនេះ បានបង្កឱ្យមានការភ្ញាក់ផ្អើល និងផ្ទុះការរិះគន់យ៉ាងចាស់ដៃពីសំណាក់សាធារណៈមតិនៅកូរ៉េខាងត្បូង ពីកម្សោយនៃការការពារដែនអាកាសរបស់កងកម្លាំងកូរ៉េខាងត្បូង។ នេះបើតាមការចុះផ្សាយដោយសារព័ត៌មានរ៉យទ័រ។