#លោកស្រី Liz Truss

ក្រុមអ្នកសិក្សាផ្នែកសេដ្ឋកិច្ចបានព្រមានថា គោលនយោបាយសេដ្ឋកិច្ចរបស់រដ្ឋាភិបាលអង់គ្លេសអាចបណ្តាលឱ្យមានមនុស្សស្លាប់ច្រើនជាងជំងឺរាតត្បាតកូវីដ១៩ទៅទៀត។ ជាក់ស្តែង ការស្រាវជ្រាវមួយបានរកឃើញថា ក្នុងរយៈពេលប្រាំបីឆ្នាំចុងក្រោយ មានការស្លាប់ជាង៣៣ម៉ឺននាក់ នៅទូទាំងចក្រភពអង់គ្លេស រួមទាំងប្រទេសវែល និងស្កុតឡែនផងដែរ ដែលជាចំនួនច្រើនជាងការរំពឹងទុក។ នេះមិនមែនជាការស្លាប់ដោយជំងឺ ឬរោគរាតត្បាតនោះទេ ប៉ុន្តែដោយសារពលរដ្ឋជួបបញ្ហា អំឡុងស្ថានភាពសេដ្ឋកិច្ចដ៏លំបាក ដែលបណ្តាលមកពីរដ្ឋាភិបាលកាត់បន្ថយការចំណាយសាធារណៈ។