#លោកស្រី សៃ អ៊ីងវិន

មេដឹកនាំកំពូលរបស់កោះតៃវ៉ាន់ លោកស្រី សៃ អ៊ីងវិន បានបញ្ជាក់ច្បាស់ៗចំៗ ទៅកាន់ក្រុមសមាជិកសភាពីប្រទេសតំបន់អឺរ៉ុប ដែលមកធ្វើទស្សកិច្ចនៅកោះតៃវ៉ាន់នៅថ្ងៃចន្ទសប្ដាហ៍នេះថា តៃវ៉ាន់ និងអឺរ៉ុប ត្រូវតែធ្វើការជាមួយគ្នា ដើម្បីការពារប្រឆាំងនឹងរបបផ្ដាច់ការ និងព័ត៌មានមិនពិត។ ការលើកឡើងរបស់មេដឹកនាំកោះតៃវ៉ាន់យ៉ាងដូច្នេះ ត្រូវបានគេមើលឃើញថា គឺធ្វើឡើងនៅចំពេលដែលភាពតានតឹងរវាងកោះតៃវ៉ាន់ និងក្រុងប៉េកាំង កំពុងស្ថិតនៅក្នុងចំណុចមួយគួរឲ្យព្រួយបារម្ភ។នេះបើតាមការចុះផ្សាយដោយសារព័ត៌មានអន្តរជាតិធំៗជាច្រើន។