#មន្ត្រីថៃជំរុញរដ្ឋាភិបាលពន្លឿនការចរចានឹងកម្ពុជាលើតំបន់ប្រេងត្រួតស៊ីគ្នា

សន្ទុះនៃការបន្តកិច្ចពិភាក្សារវាងប្រទេសកម្ពុជា និងថៃស្តីពីការរុករកប្រេងក្នុងតំបន់ត្រួតស៊ីគ្នានៅឈូងសមុទ្រថៃកំពុងមានភាពសកម្មឡើងវិញ នៅបន្ទាប់ពីប្រទេសទាំងពីរកាលពីពេលថ្មីៗសុទ្ធតែបានបង្ហាញពីចំណាប់អារម្មណ៍ក្នុងការជំរុញការចរចាឱ្យវិវត្តទៅមុខ ក្រោយបានពន្យាពេលចរចាអស់២០ឆ្នាំមកហើយ។ បើតាមការចុះផ្សាយរបស់សារព័ត៌មានថៃបាងកកប៉ុស្តិ៍ នាយកប្រតិបត្តិនៃវិទ្យាស្ថានប្រេងរបស់ថៃ បានជំរុញឱ្យរដ្ឋាភិបាលក្រុងបាងកកធ្វើការជាមួយកម្ពុជា ដើម្បីរុករកប្រេង យកមកសម្រាលផលប៉ះពាល់នៃការប្រែប្រួលតម្លៃឧស្ម័នពិភពលោកសម្រាប់រយៈពេលវែង។