#nagaworld

ក្រុមហ៊ុនល្បែងកាស៊ីណូ Nagacorp ដែលបានចុះបញ្ជីផ្សារភាគហ៊ុននៅហុងកុងនិងជាប្រតិបត្តិករកាស៊ីណូណាហ្គាវើលនៅកម្ពុជា បានប្រកាសពីប្រាក់ចំណេញសុទ្ធរបស់ខ្លួនជាង១០០លានដុល្លារអាមេរិក នៅឆ្នាំ២០២០កន្លងទៅនេះ។ ការរក្សាបាននូវប្រាក់ចំណេញកាលពីឆ្នាំមុននេះ ត្រូវបានក្រុមហ៊ុននេះអះអាងថា ដោយសារតែមានការស្ទុះងើបឡើងវិញនៃប្រតិបត្តិការអាជីវកម្មនៅឆមាសទី ២នៃឆ្នាំ២០២០។ ទោះបីយ៉ាងណា បើមើលទៅលើប្រាក់ចំណេញនៅឆ្នាំ២០២០របស់ Nagacorp ធៀបនឹងឆ្នាំ២០១៩វិញ គឺមានការធ្លាក់ចុះដល់ទៅជាង៨០%ឯណោះ។