អង្គការ NATO និងមន្ទីរបញ្ចកោណស្រឡាំងកាំងយ៉ាងខ្លាំង ក្រោយលោក ត្រាំ ប្រកាសបញ្ជូនទ័ព៥,០០០នាក់ទៅប្រទេសប៉ូឡូញ
ដោយ
ប្រធានាធិបតីសហរដ្ឋអាម៉េរិកលោក ដូណាល់ ត្រាំ កាលពីថ្ងៃទី២១ ខែឧសភា បានប្រកាសគួរឱ្យភ្ញាក់ផ្អើលថា សហរដ្ឋអាម៉េរិកនឹងបញ្ជូនកងទ័ពចំនួន៥,០០០នាក់បន្ថែមទៀតទៅកាន់ប្រទេសប៉ូឡូញ។ ការប្រកាសនេះបានបង្កការភ្ញាក់ផ្អើលយ៉ាងខ្លាំងដល់អង្គការណាតូ (NATO) ហើយក៏បានធ្វើឱ្យមន្ទីរបញ្ចកោណស្រឡាំងកាំងដូចគ្នាដែរ ព្រោះស្ថាប័នការពារជាតិអាម៉េរិកមួយនេះ ទើបតែបានស្នើឱ្យលុបចោល ឬកាត់បន្ថយការបញ្ជូនកងទ័ពអាម៉េរិកទៅកាន់អឺរ៉ុប កាលពីមួយសប្ដាហ៍មុនប៉ុណ្ណោះ។ នេះបើយោងតាមការចុះផ្សាយរបស់សារព័ត៌មានធំៗជាច្រើន។