#បាតុកម្មក្នុងប្រទេសថៃ

បន្ទាប់ពីបានស្ងប់ស្ងាត់អស់មួយរយៈ ពេលនេះ ក្រុមបាតុករថៃ ដែលភាគច្រើនជាយុវជនបានចាប់ផ្តើមចេញដើរក្បួនតវ៉ាជាថ្មី នៅចំកណ្តាលក្រុងបាងកក កាលពីថ្ងៃអាទិត្យទី១៤វិច្ឆិកា ចុងសប្តាហ៍មុននេះ។ កន្លងមកក្រុមយុវជន ស្រែកទាមទារឲ្យនាយករដ្ឋមន្ត្រី លោកប្រាយុទ្ធ ចាន់អូចា ចុះចេញពីតំណែងផង និងចង់បានការកែទម្រង់របបរាជានិយមផង ប៉ុន្តែខុសប្លែកពីលើកមុនបន្តិច ដែលលើកនេះពួកគេផ្តោតសំខាន់ចង់បានការកែទម្រង់របបរាជានិយមក្នុងប្រទេស ពោលគឺចង់កាត់បន្ថយអំណាចរបស់ព្រះមហាក្សត្រថៃ។ នេះបើតាមការចុះផ្សាយដោយសារព័ត៌មានអន្តរជាតិធំៗជាច្រើន។