#បទល្មើសនាំចូលសត្វរស់

បើទោះជាកន្លងមក មន្ត្រីជំនាញបានខិតខំទប់ស្កាត់ ចំពោះបទល្មើសលើសកម្មភាពនៃការនាំចូលសត្វខុសច្បាប់ ពីប្រទេសជិតខាងយ៉ាងណាក្ដី តែសកម្មភាពនេះហាក់នៅតែបន្តកើនឡើងយ៉ាងគំហុក ហើយបញ្ហានេះ នៅតែបង្កជាការព្រួយបារម្ភ ដែលអាចប៉ះពាល់ដល់អ្នកចិញ្ចឹមសត្វក្នុងស្រុក។ ជាក់ស្ដែង នៅរយៈពេល ៨ខែ ក្នុងឆ្នាំ២០២១ អគ្គនាយកដ្ឋានសុខភាពសត្វ និងផលិតកម្មសត្វ បានបង្ក្រាបបទល្មើសលើចលនាសត្វ និងផលិតផលសត្វ បានចំនួន ៤៦ករណី ដែលមានការកើនឡើងចំនួន ១៥ករណី បើប្រៀបនឹងរយៈពេលដូចគ្នា កាលពីឆ្នាំមុន។