#ផ្លែមៀនប៉ៃលិននៅតែប្រឈមនឹងការខូចខាត

បញ្ហាខ្វះទីផ្សារ នៅតែជាក្ដីព្រួយបារម្ភ សម្រាប់កសិករដែលប្រកបរបរដាំដុះដំណាំមៀនប៉ៃលិន ឬតាង៉ែន ពិសេសកសិករនៅខេត្តប៉ៃលិនផ្ទាល់តែម្ដង បើទោះបី កន្លងមក ប្រមុខរាជរដ្ឋាភិបាលកម្ពុជា បានធ្វើយុទ្ធនាការចុះប្រមូលទិញផ្លែមៀនពីកសិករផ្ទាល់ក៏ដោយ ព្រោះយុទ្ធនាការទិញមៀននេះ គឺទិញបានក្នុងបរិមាណតិចតួចប៉ុណ្ណោះ បើធៀបនឹងទិន្នផលមៀនប៉ៃលិនសរុបរាប់ម៉ឺនតោនក្នុងមួយឆ្នាំៗ។