#ផ្លូវជាតិ

ក្រសួងសាធារណការ និងដឹកជញ្ជូនបន្តជំរុញឲ្យក្រុមហ៊ុនសាងសង់ផ្លូវជាតិលេខ២ ពន្លឿនការសាងសង់របស់ខ្លួន ខណៈបច្ចុប្បន្នការស្ថាបនាទើបសម្រេចបានប្រមាណជាង៤០% ប៉ុណ្ណោះ។ បើតាមរដ្ឋមន្ត្រីក្រសួងសាធារណការ ឯកឧត្តម ស៊ុន ចាន់ថុលបានបញ្ជាក់ថា ឯកឧត្តម មិនរំពឹងថា ក្រុមហ៊ុនទទួលបន្ទុកការសាងសង់ផ្លូវជាតិលេខ២នេះ អាចនឹងបញ្ចប់តាមការគ្រោងទុកនៅអំឡុងខែមេសា ឆ្នាំ២០២២ នោះទេ ដ្បិតថាការសាងសង់ហាក់បីដូចជាមានភាពយឺតយ៉ាវ។ ទន្ទឹមនឹងនេះ រដ្ឋមន្ត្រីក្រសួងសាធារណការមិនចង់លឺពាក្យដោះសាររបស់ក្រុមហ៊ុន ដោយយកវិបត្តិកូវីដ-១៩ ធ្វើជាលេសទៀតនោះដែរ។