#: ប្រាក់ឈ្នួលកម្មករកាត់ដេរកម្ពុជា

ឆ្នាំ២០២៣នេះ ប្រាក់ឈ្នួលកម្មករកាត់ដេរ គឺមានចំនួន២០០ដុល្លារក្នុង១ខែ គួបផ្សំនឹងអត្ថប្រយោជន៍ផ្សេងៗបន្ថែម កម្មករនិយោជិតម្នាក់អាចទទួលបានប្រាក់ឈ្នួល ចន្លោះពី ២១៧ដុល្លារ ទៅ ២២៨ដុល្លារ ក្នុងមួយខែ។ ដ្បិតបច្ចុប្បន្ន កម្រិតប្រាក់ឈ្នួលក្នុងវិស័យកាត់ដេរនៅកម្ពុជា ហាក់ខ្ពស់ជាងបណ្ដាប្រទេសមួយចំនួនក្នុងតំបន់ ដូចជា វៀតណាម ហ្វីលីពីន ឥណ្ឌូនេស៊ី ឡាវ និងមីយ៉ាន់ម៉ា ក៏ដោយចុះ តែអ្នកជំនាញយល់ឃើញថា ប្រាក់ឈ្នួលកម្មករក្នុងវិស័យកាត់ដេរនៅកម្ពុជា នាពេលបច្ចុប្បន្ន ហាក់នៅមានកម្រិតនៅឡើយ បើធៀបទៅនឹងប្រទេសថៃ និងម៉ាឡេស៊ី។