#ប្រព័ន្ធសូឡារបូមទឹក

ការប្រើប្រាស់ប្រព័ន្ធសូឡាបូមទឹក គឺជាបច្ចេកវិទ្យាថ្មីមួយសម្រាប់ជួយសម្រួលដល់ការផ្គត់ផ្គង់ទឹកក្នុងស្រែចម្ការរបស់បងប្អូនប្រជាកសិករ ជំនួសឱ្យការប្រើប្រាស់ម៉ាស៊ីនបូមទឹក។ តួយ៉ាង ស្ថាបនិកក្រុមហ៊ុន សូជី ដែលជាក្រុមហ៊ុនដំឡើងប្រព័ន្ធសូឡាបូមទឹកធំមួយនៅកម្ពុជា បានអះអាងថា ការប្រើប្រាស់ប្រព័ន្ធសូឡាបូមទឹក ពិតជាមានសារៈសំខាន់ណាស់នៅក្នុងវិស័យកសិកម្មកម្ពុជា ពោលគឺ អាចធានាបាននឹងមានទឹកគ្រប់គ្រាន់ពេញមួយឆ្នាំសម្រាប់ការប្រើប្រាស់ធ្វើស្រែចម្ការ ដោយចំណាយថ្លៃដើមតិច និងទទួលបានទិន្នផលខ្ពស់ ព្រមទាំងជួយការពារបរិស្ថានបានផងដែរ។