#ប្រទេស​រុ​ស្ស៊ី

កូរ៉េខាងជើងស្វែងរកកិច្ចសហប្រតិបត្តិការជាមួយរុស្សី ដើម្បីទប់ទល់នឹងអាមេរិក ក្រោយទំនាក់ទំនងពិបាកនឹងផ្សះផ្សា។ ឯកអគ្គរដ្ឋទូតកូរ៉េខាងជើងប្រចាំនៅប្រទេសរុស្ស៊ី បានប្រាប់ទីភ្នាក់ងារសារព័ត៌មានរុស្សី TASS ឲ្យដឹងថា កូរ៉េខាងជើងមានបំណងចង់ពង្រឹងកិច្ចសហប្រតិបត្តិការជាមួយរុស្ស៊ីបន្ថែមទៀត ដើម្បីប្រឆាំងក៏ដូចជាទប់ទល់ជាមួយនឹងសហរដ្ឋអាមេរិក ដែលជារឿយៗ រមែងដាក់សម្ពាធ និង គំរាមកំហែងផ្នែកសន្តិសុខមកលើទីក្រុងព្យុងយ៉ាង ក៏ដូចជាក្នុងតំបន់ឧបទ្វីបកូរ៉េទាំងមូលផងដែរ។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។