#ប្រធាន​អង្គការ​ពាណិជ្ជកម្ម​ពិភពលោក​

ប្រមុខដឹកនាំអង្គការពាណិជ្ជកម្មពិភពលោក បានបង្ហាញសុទិដ្ឋិនិយមថា កិច្ចប្រជុំរដ្ឋមន្ត្រីពាណិជ្ជកម្មជាង ១០០ប្រទេស នៅទីក្រុងហ្សឺណែវ ដែលធ្វើឡើងចាប់ពីថ្ងៃទី ១២ ដល់ថ្ងៃទី ១៥ ខែមិថុនា នឹងអាចឈានទៅសម្រេចបានកិច្ចព្រមព្រៀងជាសកលមួយចំនួនក្នុងសប្តាហ៍នេះ។ ប៉ុន្តែទន្ទឹមនឹងនេះ ប្រធានអង្គការពាណិជ្ជកម្មពិភពលោក បានព្រមានដែរថា មុននឹងឈានដល់ការសម្រេចកិច្ចព្រមព្រៀងណាមួយបាន កិច្ចប្រជុំនេះ អាចនឹងឆ្លងកាត់ឧបសគ្គជាច្រើន និងការជជែកតឹងសរសៃរកដាក់គ្នាខ្លាំងៗផងដែរ រវាងប្រទេសជាសមាជិកដែលបានចូលរួម។