តើសម័យប្រជុំពេញអង្គចំនួន២ របស់ចិន ដែលនឹងត្រូវធ្វើឡើងនៅសប្តាហ៍នេះ មានសារៈសំខាន់អ្វីខ្លះ?
ដោយ
«សម័យប្រជុំពីរអង្គ» ប្រចាំឆ្នាំរបស់ប្រទេសចិនដែលមានកិច្ចប្រជុំសភាប្រជាជនចិន និងស្ថាប័នប្រឹក្សានយោបាយនឹងចាប់ផ្តើមធ្វើឡើងនៅថ្ងៃសៅរ៍ ទី ៤ មីនា ដែលនឹងត្រូវលើកយករបៀបវារៈសំខាន់ៗរបស់រដ្ឋាភិបាលចិនមកពិភាក្សា និងការរុះរើក្បាលម៉ាស៊ីនដឹកនាំកំពូលរបស់បក្សកុម្មុយនិស្តចិន។ អ្វីដែលពិសេសនោះ គឺសម័យប្រជុំនេះ ក៏នឹងជាពេលវេលាប្រកាសផ្លូវការពីការឡើងកាន់តំណែងជាប្រធានាធិបតីអាណត្តិទី៣ របស់លោកស៊ី ជីនពីងផងដែរ បន្ទាប់ពីរូបលោកត្រូវបាន ជាប់ជាអគ្គលេខាបក្សកុម្មុយនិស្ដកាលពីខែតុលាឆ្នាំមុនរួចមក។