#ប្រឈមនឹងការរំខានពីការធ្វើកូដកម្មរបស់ក្រុមអ្នកបើករថយន្តដឹកទំនិញនៅប្រទេសកូរ៉េខាងត្បូង

ការផលិតបន្ទះឈីបរបស់ក្រុមហ៊ុន Samsung Electronics Co Ltd នៅក្នុងប្រទេសចិនប្រឈមនឹងការរំខានពីការធ្វើកូដកម្មរបស់ក្រុមអ្នកបើករថយន្តដឹកទំនិញនៅប្រទេសកូរ៉េខាងត្បូង ដែលកំពុងរាំងស្ទះដល់ការនាំចេញវត្ថុធាតុដើមសំខាន់ៗរបស់ក្រុមហ៊ុននេះ។ មកទល់ពេលនេះ ការធ្វើការកូដកម្មតវ៉ាពីសំណាក់អ្នកបើកបរឡានដឹកទំនិញ ប្រឆាំងនឹងបញ្ហាប្រេងឥន្ធនៈឡើងថ្លៃនៅកូរ៉េខាងត្បូង បាននិងកំពុងបន្ដជាងសប្ដាហ៍មកហើយ បើទោះបីជា រដ្ឋាភិបាលអំពាវនាវឲ្យមានការបញ្ឈប់ការតវ៉ានេះ និងថា ការធ្វើកូដកម្មនេះ គឺជារឿងខុសច្បាប់។ នេះបើតាមសារព័ត៌មានអន្តរជាតិធំៗជាច្រើន។