#អាជ្ញាធរ​

អាជ្ញាធរសុខាភិបាលចិនបាននិយាយកាលពីថ្ងៃអង្គារសប្ដាហ៍នេះថា បានរកឃើញករណីឆ្លងថ្មីជំងឺកូវីដ-១៩ ចំនួន ៥៩ ករណី ក្នុងខេត្ត ហ្វូជៀនភាគអាគ្នេយ៍របស់ប្រទេសចិន។ ការកើនឡើងនៃករណីឆ្លងថ្មីនេះ បានជំរុញឱ្យអាជ្ញាធរចិនដាក់ចេញនូវវិធានការបិទខ្ទប់ភ្លាមៗ រួមទាំងការរឹតត្បិតការធ្វើដំណើរផងដែរ ដើម្បីទប់ស្កាត់ការឆ្លងរីករាលដាល ជាពិសេសមេរោគបំប្លែងថ្មី ឌែលតា ដែលកំពុងតែរីករាលដាលខ្លាំងនៅទូទាំងពិភពលោក។ នេះបើយោងតាមការចុះផ្សាយរបស់សារព័ត៌មានរ៉យទ័រ។