#អាជ្ញាធរចិនបញ្ជាឱ្យរោងចក្រជាច្រើនផ្អាកផលិតកម្ម

រដ្ឋបាលខេត្តស៊ីឈួន របស់ប្រទេសចិន បានចេញសេចក្តីជូនដំណឹងមួយកាលពីពេលថ្មីៗនេះ ដោយបញ្ជាឱ្យរោងចក្រភាគច្រើននៅក្នុងខេត្តរបស់ខ្លួន រួមទាំងរោងចក្រអ្នកផ្គត់ផ្គង់ផលិតផលសម្រាប់ក្រុមហ៊ុនយក្ស Appleរបស់អាមេរិក និងក្រុមហ៊ុនជប៉ុន Toyota Motor ផ្អាកការផលិតរហូតដល់ថ្ងៃទី ២០ ខែសីហា។ ការបញ្ជាឱ្យផ្អាកចង្វាក់ផលិតកម្មដូចនេះ ធ្វើឡើងដោយសារតែអាជ្ញាធរខេត្តស៊ីឈួន ត្រូវផ្តាច់ចរន្តអគ្គិសនីនៅតាមរោងចក្រនានា ដើម្បីសំចៃថាមពលទុកសម្រាប់ការប្រើប្រាស់ប្រចាំថ្ងៃទូទៅ។