#អាជ្ញាធររដ្ឋនៅអាមេរិកបង្កើនការរារាំងពលរដ្ឋ និងអង្គភាពរបស់ចិនទិញដីធ្លី

រដ្ឋរបស់សហរដ្ឋអាមេរិកមួយចំនួនកំពុងបន្ថែមការររាំងលើការទិញដីធ្លី ដោយពលរដ្ឋ ឬអង្គភាពនានា របស់ចិន ខណៈដែលទំនាក់ទំនងរវាងប្រទេសទាំងពីរឈានដល់ចំណុចល្អក់កករខ្លាំងបំផុត ក្នុងរយៈពេលជាច្រើនទសវត្សរ៍មកនេះ។ នេះបើតាមការចុះផ្សាយដោយសារព័ត៌មានជប៉ុន Nikkei Asia។ ជាក់ស្តែងនៅរដ្ឋ South Dakota សភានីតិបញ្ញត្តិរដ្ឋមួយនេះ កំពុងជំរុញឱ្យបង្កើតច្បាប់មួយដើម្បីបង្កើតគណៈកម្មាធិការ សម្រាប់ត្រួតពិនិត្យលើការទិញដី ដោយប្រើប្រាស់មូលធនពីបរទេស។