#អាមេរិក-អាលកៃដា៊

ប្រធានាធិបតីអាមេរិកលោក Joe Biden បានប្រកាសកាលពីថ្ងៃចន្ទថា សហរដ្ឋអាមេរិកបានសម្លាប់មេដឹកនាំក្រុមអាល់កៃដាលោក អេម៉េន អាល់ហ្សាវ៉ាហ៊ីរី (Ayman al-Zawahiri) ជាមេក្រុមភេរវជនដែលគេចង់តាមចាប់ខ្លួនជាទីបំផុតក្នុងពិភពលោក និងដែលគេសង្ស័យថា ជាមេក្លោងនៃការវាយប្រហារដោយអំពើភេវរកម្ម ជាប្រវត្តិសាស្ត្រនៅអាមេរិក កាលនៅថ្ងៃទី១១ ខែកញ្ញា ឆ្នាំ២០០១ផងដែរ។ ការសម្លាប់ មេដឹកនាំក្រុមអាល់កៃដារូបនេះ គឺធ្វើឡើងដោយប្រើយន្ដហោះគ្មានមនុស្សបើក ឬហៅថា ដ្រូន របស់សហរដ្ឋអាមេរិក។ នេះបើតាមទីភ្នាក់ងារព័ត៌មាន AFP។