#អាមេរិកដាក់ទណ្ឌកម្មលើចិននិងរុស្ស៊ីក្នុងបរិបទថ្មី

មន្ត្រីអាមេរិកពីររូបបានទម្លាយប្រាប់សារព័ត៌មានរ៉យទ័រនៅថ្ងៃទី៩ ខែធ្នូនេះថា សហរដ្ឋអាមេរិកគ្រោងនឹងដាក់ទណ្ឌកម្មថ្មីប្រឆាំងនឹងរុស្ស៊ី និងចិន ដែលក្នុងនោះ រួមមានការដាក់ទណ្ឌកម្មលើទីក្រុងមូស្គូលើការប្រើប្រាស់យន្តហោះគ្មានមនុស្សបើករបស់អ៊ីរ៉ង់ក្នុងសង្គ្រាមរបស់ខ្លួនប្រឆាំងនឹងអ៊ុយក្រែន។ រីឯការដាក់ទណ្ឌកម្មលើប្រទេសចិនវិញ គឺពាក់ព័ន្ធនឹងការនេសាទខុសច្បាប់នៅតំបន់សមុទ្រប៉ាស៊ីហ្វិក។ នេះបើតាមការចុះផ្សាយដោយសារព័ត៌មានអន្តរជាតិធំៗ។