#អាវុធនុយក្លេអ៊ែ

ប្រធានាធិបតីរុស្ស៊ី លោក វ្ល៉ាឌីមៀ ពូទីន បានចុះហត្ថលេខាលើច្បាប់មួយ ដែលលុបចោលការផ្តល់សច្ចាប័នលើសន្ធិសញ្ញាហាមប្រាមការសាកល្បងនុយក្លេអ៊ែជាសកល ដែលមានរុស្ស៊ីជាសមាជិក។ វិធានការថ្មីនេះ ទីក្រុងម៉ូស្គូថា ជារឿងចាំបាច់ ដើម្បីធ្វើឱ្យស្មើភាពជាមួយសហរដ្ឋអាម៉េរិក ដែលមិនបានឱ្យសច្ចា ប័នលើកិច្ចព្រមព្រៀងនេះដូចគ្នា។ យ៉ាងណា ទន្ទឹមនឹងការដកខ្លួននេះ គេក៏មានការព្រួយបារម្ភថា រុស្ស៊ីអាចមានបំណងបែរទៅធ្វើការសាកល្បងនុយក្លេអ៊ែវិញ ក្រោយអាក់ខានបីទសវត្សន៍មកនេះ។