#អំពាវនាវមិនឲ្យរឹបអូសទ្រព្យ

ប្រមុខរាជរដ្ឋាភិបាលកម្ពុជាបានប្រកាសមិនឲ្យមានការរឹបអូសផ្ទះសម្បែង ឬ ដីធ្លីនៅក្នុងអំឡុងពេលវិបត្តិវីរុសកូវីដ ១៩នោះទេ ដោយស្នើឲ្យម្ចាស់បុរីមានការយោគយល់អំពីបញ្ហានៅពេលនេះ។ ថ្លែងនៅក្នុងសន្និសីទសារព័ត៌មានស្តីពី បច្ចុប្បន្នភាពពីជំងឺកូវីដ១៩ នៅកម្ពុជា សម្តេច តេជោ ហ៊ុន សែន នាយករដ្ឋ មន្ត្រីកម្ពុជាបានមានប្រសាសន៍ថា ការបង់រំលស់ផ្ទះសម្បែង និង ដីធ្លី ម្ចាស់បំណុលមិនត្រូវមានការរឹបអូសនោះឡើយ។