ចូ បៃឌិនហោះទៅជួបសម្ព័ន្ធមិត្តអង្គការ NATO ពិភាក្សាវិធីទប់ទល់ចិន និងរុស្សី ក្រោយចប់កិច្ចប្រជុំ G7
ដោយ
លោក ចូ បៃឌិន ហោះទៅជួបសម្ព័ន្ធមិត្តអង្គការ NATO ដើម្បីពិភាក្សារកវិធីទប់ទល់ចិន និង រុស្សី។ ក្រោយបិទបញ្ចប់ជំនួបកំពូលក្រុមប្រទេសឧស្សាហកម្មជឿនលឿន ឬហៅកាត់ថា G7 នៅចក្រភពអង់គ្លេស រួចមក។ ប្រធានាធិបតីអាមេរិកលោក ចូ បៃឌិន បានធ្វើដំណើរទស្សនកិច្ចជាផ្លូវការ ដំបូងបំផុតរបស់លោកក្នុងនាមជាប្រធានាធិបតីអាមេរិកទៅកាន់ទីក្រុង ប្រ៊ុចសេល ប្រទេសប៊ែលហ្សិច ជាទីកន្លែងដែលលោកបានជួបជាមួយសម្ព័ន្ធមិត្ត នៃ អង្គការសន្ធិសញ្ញាអាត្លង់ទិចខាងជើង ហៅកាត់ណាតូ (NATO)។