#រំពឹងប្រាក់ចំណេញ​

ថ្នាក់ដឹកនាំជាន់ខ្ពស់ធនាគារអេស៊ីលីដា ដែលជាធនាគារពាណិជ្ជធំជាងគេមួយនៅកម្ពុជា បានប្រកាសពីក្ដីរំពឹងថា ប្រាក់ចំណេញសុទ្ធរបស់ខ្លួននៅក្នុងឆ្នាំ២០២១នេះ នឹងមានមិនក្រោម១៦០លានដុល្លារអាមេរិកនោះទេ។ ការអះអាងយ៉ាងដូច្នេះ ក្រោយពីមើលឃើញថា ប្រាក់ចំណេញសុទ្ធនៅត្រីមាសទី ២ នៅក្នុងឆ្នាំនេះ របស់ធនាគារអេស៊ីលីដា បានហក់ឡើងដល់ប្រមាណ ៣៨លានដុល្លារអាមេរិក កើនឡើងជាង ២៧% ធៀបនឹងត្រីមាសទី២ កាលពីឆ្នាំ២០២០។ នេះបើយោងតាមរបាយការណ៍ពីធនាគារអេស៊ីលីដា ដែលបានដាក់ជូនទៅកាន់ក្រុមហ៊ុនផ្សារមូលបត្រកម្ពុជា។