#រោងចក្រផលិតសំបកកង់រថយន្ត

រោងចក្រផលិតសំបកកង់រថយន្តនៅខេត្តព្រះសីហនុរបស់ក្រុមហ៊ុន ជេនេរ៉ល ថាយអឺរ ថេកណូឡូជី បានបើកដំណើរការផលិតជាផ្លូវការកាលពីថ្ងៃទី១៩ ខែមីនា ឆ្នាំ២០២៣ ដើម្បីបំពេញតម្រូវការប្រើប្រាស់ក្នុងស្រុក និងនាំចេញទៅលក់លើទីផ្សារធំៗនៅលើសកលលោក។ ថ្នាក់ដឹកនាំអគ្គនាយកដ្ឋានកៅស៊ូកម្ពុជារំពឹងថា រោងចក្រដែលមានតម្លៃវិនិយោគ៣០០លានដុល្លារជាមួយសមត្ថភាពផលិតរាប់លានកង់ក្នុង១ឆ្នាំនេះ នឹងជួយធ្វើទីផ្សារកៅស៊ូក្នុងស្រុកកាន់តែល្អប្រសើរ តាមរយៈការជួយរក្សាលំនឹងតម្លៃ និងកាត់បន្ថយការពឹងផ្អែកលើទីផ្សារក្រៅប្រទេស។