#រោងចក្រផលិតសំបកកង់រថយន្ដ

រោងចក្រផលិតសំបកកង់រថយន្ដធំមួយតម្លៃ ៣០០ លានដុល្លារអាមេរិក នៅក្នុងតំបន់សេដ្ឋកិច្ចពិសេសបានបើកសម្ពោធដាក់ឲ្យដំណើរការហើយនៅថ្ងៃទី ២២ ខែឧសភា ឆ្នាំ២០២៣។ រោងចក្រនេះ គឺជាគម្រោងវិនិយោគធំជាងគេបំផុតនៅក្នុងតំបន់សេដ្ឋកិច្ចក្រុងព្រះសីហនុ ហើយក៏ជាប្រភេទរោងចក្រដែលប្រើប្រាស់បច្ចេកវិទ្យាទំនើបផ្ដល់តម្លៃបន្ថែមខ្ពស់ ជាមួយនឹងការប្រើប្រាស់វត្ថុធាតុដើមកៅស៊ូធម្មជាតិនៅក្នុងស្រុកប្រមាណជិត ៥ពាន់តោនក្នុងមួយឆ្នាំ ជាមួយនឹងសមត្ថភាពផលិតសំបកកង់រថយន្ដបានដល់ទៅជិត១លាន៣សែនសំបកកង់ក្នុងមួយឆ្នាំផងដែរ។