#រដ្ឋាភិបាលកម្ពុជា

រដ្ឋាភិបាលកម្ពុជាបានសម្រេចបន្តវិធានការហាមឃាត់ការនាំចូលជាបណ្តោះអាសន្ននូវគ្រឿងក្នុង និងបំណែកសាច់បង្កករយៈពេល៦ខែបន្ថែមទៀត ក្រោយការអនុវត្តវិធានការហាមឃាត់នេះបានបញ្ចប់ ត្រឹមថ្ងៃទី១២ ខែកញ្ញា ឆ្នាំ២០២៤។ ការសម្រេចបន្តវិធានការជាថ្មីនេះ ត្រូវបានរដ្ឋាភិបាលអះអាងថា ដោយសារតែផលិតកម្មជ្រូកនៅកម្ពុជាបន្តរងការគម្រាមកំហែង និងអាចឈានទៅដល់ការខូចខាតទាំងស្រុង។ ប្រធានសមាគមអ្នកចិញ្ចឹមសត្វកម្ពុជាបានគាំទ្រចំពោះវិធានការអន្តរាគមន៍នេះ និងចាត់ទុកថា គឺជាការជួយសង្រ្គោះដល់វិស័យចិញ្ចឹមសត្វ និងលើកកម្ពស់ដល់ជីវភាពកសិករនៅកម្ពុជា។